Hvað er Dálæti?
Dálæti hannar, framleiðir og selur einstaka skartgripi úr polymer leir.
Allir leirgripir eru handgerðir og allt skart er framleitt og sett saman á Íslandi. Markmiðið hjá Dálæti er að skapa litríka, fallega og skemmtilega skartgripi sem einnig er hægt að nota sem tjáningarform. Leiktu þér, sýndu stuðning og vertu bara nákvæmlega eins og þú vilt vera með skarti frá dálæti.
Hjá Dálæti er einnig hægt að fá sérútbúna gripi eftir þinni hugmynd fyrir stóra sem smáa viðburði.
Hér getur þú skoðað hvar hægt er að versla vörur frá dálæti:
Hönnuðurinn
Guðdís M.T. Jóhannsdóttir er konan á bakvið Dálæti.
Ég hef alla tíð haft mikinn áhuga á hvers konar dundi og er til að mynda lærður naglafræðingur bæði í gel og akrýl, en það reyndist ágætur grunnur fyrir skartgripagerðina. Dálæti fæddist í fæðingarorlofi og hefur vaxið hægt og rólega sl. 5 ár og breyst mikið á þeim tíma. Ég hef meira og minna verið að sinna þessu meðfram vinnu en það verður erfiðara með hverjum mánuðinum sem líður og það er núna í endurskoðun.
Auk skartgripahönnunar er ég mikill ástríðukokkur og á það til að deila uppskriftum af og til. Ég er einnig markþjálfi og það gefur mér mikið að hjálpa fólki og sjá það vaxa og blómstra í lífinu en það er eitthvað sem ég stefni að því að gera meira af í framtíðinni.
Ekki hika við að senda mér línu ef þú hefur spurningar varðandi skartgripi, matargerð, markþjálfun eða annað sem þér dettur í hug!
